Talluq Torna Chaho, Tm Mujh Ko Chorna Chaho

Talluq torna chaho, tm mujh ko chorna chaho
To meri shart itni hai tumhe jo de chuka hun me
mujhe luta do wo sub kuch
Mere namein wo chahat k, wo sub tofein mohabbt k
Wo bhegi diary meri, wo sari shaiyari meri
Sub hi wo phool or pat'tay, wo methi pyar ki batein
Kaho Luta Sako Gay Tum
Mere wo qeemti lamhay jo mujh ko sochte guzray
Wo pal jo aik Qayamat thy jo rasta dekhtay guzray
Khuda ko bhol kar wo din, jo tujh ko buj'tay guzray
Kaho Luta Sako Gay Tum
Haya ki chandni de di
Jiya ki ragni de di
Labu ki tashnagi de di
Hina ki roshni de di
Tujhe to zindagi de di, har aik apni khushi de di
To phir wo zindagi meri, han wo har aik khushi meri
Kaho Luta Sako Gay Tum
Agar mumkin ho aisa Tal'luq toor lena tum
Bhalay phir chor dena tum
Bhalay Phir Chor dena tum