Ek Ajnabi Ko Dekh Kar
Main Is Soch Mein Hun
Is Ko Pehle Bhi Kabhi Dekha Hy
Is Ko Pehle Bhi Kahin Mila Hun
Aankhein To Wohi Hain Lekin
In Mein Pehli Si Chamak Nahi
Aawaz To Wohi Hy Lekin
Is Mein Pehli Si Khanak Nahi
Chehra To Wohi Hy Lekin
Is Py Wo Pehli Si Dhanak Nahi
Chaal To Wohi Hy Lekin
Is Mein Pehli Si Raftaar Nahi
Lehja To Wohi Hy Lekin
Ab Is Mein Baghawat Ke Aasaar Nahi
Baatein Bhi Wohi Hain Lekin
In Mein Ab Woh Takraar Nahi
Kon Hy Yeh Ajnabi?
Jo Jana Jana Lagta Hy
Aaine Mein Dekh Kar Kudh Ko
Main Is Soch Mein Hun
Is Ko Pehle Bhi Kahin Dekha Hy
No comments:
Post a Comment