Bhagon Main Phir Bahaar Ka Mausam Hai Aa Gaya
Phir Zindagi Main Pyar Ka Mausam Hai Aa Gaya
Serson Ka Rang Khila-Khila Haldi Ke Rang Se
Lagta Hai Phir Ubaar Ka Mausam Hai Aa Gaya
Sharma Ke Laal Ho Gayee Kaliyan Plaas Ki
Sapno Main Intezar Ka Mausam Hai Aa Gaya
Purvayiyon Ke Haat Phir Mehandi Lagi Huyi
Doli Ka, Phir Kahaar Ka Mausam Hai Aa Gaya
Chalki Hai Phir Se Geet Ki Gaagar Kahi Nayee
Dolak Ka, Phir Sitar Ka Mausam Hai Aa Gaya
Keh Do Kabeer Se Na Chadariya Bachegi Aaj
Rangon Ki Phir Puhaar Ka Mausam Hai Aa Gaya
No comments:
Post a Comment